<> Skip to main content
በፈረንሳይ 230 ዓመታትን ያስቆጠረን የደንጋይ ላይ ጽሑፍ ማንበብ ለቻለ 2000

በፈረንሳይ 230 ዓመታትን ያስቆጠረን የደንጋይ ላይ ጽሑፍ ማንበብ ለቻለ 2000 ፓውንድ ሽልማት ተዘጋጅቷል፡፡

ባሕር ዳር፡ ግንቦት 02/2011ዓ.ም (አብመድ) በፈረንሳይ ምዕራባዊ አቅጣጫ በአንድ የባሕር ዳርቻ 230 ዓመታትን ያቆጠረ የደንጋይ ላይ ጽሑፍ ከዓመታት በፊት ተገኝቷል፡፡ ነገር ግን 20 መስመሮችን የያዘውን የደንጋይ ጽሑፍ እስካሁን ማንበብ የቻለ ሰው አልተገኘም፡፡

ጽሑፉ መደበኛ፣ ግራ-ቀኝ እና ላይና ታች የተገለበጡ የፈረንሳይኛ ፊደላትን የያዘ አልፎ አልፎም የስካንድኒቪያን ሀገራትን ፊደላት የያዘ መሆኑ ተነግሯል፡፡ በተጨማሪም 1786 እና 1787 የሚሉ ዘመናትም ተጠቅሰዋል፡፡ ይህም ከፈረንሳይ አብዮት ቀዳም ያሉ ጊዜያት ናቸው፡፡

ከጽሑፉ ጋር መርከብና መርከበኞች፣ የተሰበሩ የልብ ቅርጾችና ሌሎችም ምሥሎች የመስቀል ቅርጽ ተደርቦባቸው ተገኝተዋል፡፡

የአካባቢው ምሁራን ጽሑፉን እንዲተረጉሙት ጥረት ተደርጓል፤ ነገር ግን የቆዬ ‹ብሪቶን› ወይም ‹ባስኩ› ቋንቋ ሊሆን እንደሚችልና በትምህርት ያልገፋ ሰው ጽፎት እንደሚሆን ተገምቷል፡፡ ከትክክለኛ ቃላቱ ይልቅ ድምጾቹ እንደተጻፉም ተገምቷል፡፡

Image may contain: outdoor and nature

በጽሑፉ አንድ መስመር : "ROC AR B … DRE AR GRIO SE EVELOH AR VIRIONES BAOAVEL" የሚሉ ቃላት መኖራቸው ተገልጿል፡፡

በዚያው አካባቢ የባሕር ኃይል ግንባታ ኖሮ ሊሆን እንደሚችል የሚያመላክቱ መላ-ምቶችም አሉ፡፡

የሆነው ሆኖ ጥልቅ ሚስጠሩን ለሚያስረዳ ማንኛውም አንባቢ ሽልማት ተዘጋጅቷል፡፡

ምንጭ፡- ቢቢሲ
በአብርሃም በዕውቀት

Image
The website encountered an unexpected error. Please try again later.