<> Skip to main content
<<ዛሬም ነገም መስዋዕትነት ለመክፈል ዝግጁዎች ነን ።>>

‹‹የአማራ ክልልን ሰላም፣ ደኅንነትና ልማት ለማረጋገጥና ለማስቀጠል ዛሬም ነገም መስዋዕትነት ለመክፈል ዝግጁዎች ነን ።›› የልዩ ኃይል አባላት

የአማራ ክልል ልዩ ኃይል አባላት የወቅቱን የጸጥታ ሁኔታ በተመለከተ በገንዳውሃ ከተማ ተወያይተዋል፡፡

ምክክሩ የክልሉን የጸጥታ ችግሮች በማስተካከል አስተማማኝ ሰላም ማምጣት በሚቻልባቸው መንገዶች ላይ ያተኮረ አንደነበር ተገልጿል፡፡

አስተያዬታቸውን ለአብመድ የሰጡን ሰልጣኞችም ‹‹እኛ የአማራ ልጆች ነን፤ ለአማራ ሕዝብ ደኅንነትና ሰላም መረጋገጥ እንሰራለን፤ ግለሰቦች የፈጠሩት ችግርና አሉባልታ እኛን አይወክልም›› ብለዋል፡፡ ሁለት ሳይሆን አንድ ልዩ ኃይል መኖሩን መረዳት እንደሚገባም ነው የተናገሩት፤ የክልሉን ሕዝብ አንድነት አስጠብቀው ሰላሙንም ለማረጋገጥ እየሠሩ እንደሆነም አረጋግጠዋል፡፡ የጸጥታ ኃይሎች  በቅንጅትና በመናበብ እየሰሩ መሆናቸውንም ነው ሰልጣኞቹ አስተያዬት የሰጡት፡፡

የአማራ ክልልን ሰላም፣ ደኅንነትና ልማት ለማረጋገጥና ለማስቀጠል ዛሬም ነገም መስዋዕትነት ለመክፈል ዝግጁዎች ነን ብለዋል የልዩ ኃይል አባላቱ ለአብመድ በሰጡት አስተያዬት፡፡

የክልሉ ልዩ ኃይል በአንድነት ሰላምን በማስጠበቅ ኅብረተሰቡ ደኅንነት ተሰምቶት ወደ ኢኮኖሚያዊ፣ ማኅበራዊና ፖለቲካዊ ጉዳዮች እንዲያተኩር እየሠራ መሆኑንም አስተያዬት ሰጭዎቹ አስረድተዋል፡፡
 

ዘጋቢ፡- ኪሩቤል ተሾመ

Image