<> Skip to main content
ብሔራዊ ቡድኑ ዛሬ ከጅቡቲ አቻው ጋር ይጫወታል፡፡

 

የኢትዮጵያ እና የጅቡቲ ብሔራዊ ቡድኖች ዛሬ 10፡00 ላይ በመልስ ጨዋታ ይገናኛሉ፡፡

ባሕር ዳር፡ ሐምሌ 28/2011 ዓ.ም (አብመድ) በቻን 2020 ቅድመ ማጣሪያ ጨዋታ የኢትዮጵያ እና የጅቡቲ ብሔራዊ ቡድኖች የመልስ ጨዋታ ዛሬ በድሬዳዋ ስታዲዬም ይደረጋል። ሁለቱ ቡድኖች የመጀመሪያ ጨዋታቸውን ጅቡቲ ላይ ነበር ያካሄዱት፡፡ ኢትዮጵያ በአስቻለው ታመነ ከእረፍት መልስ በተገኘች የፍፁም ቅጣት ምት1 ለ 0 ማሸነፏ ይታወሳል።

ለመልሱ ጨዋታ ሁለቱም ብሔራዊ ቡድኖች ጨዋታውን በሚያደርጉበት ድሬዳዋ ከሰኞ ጀምሮ ዝግጅታቸውን ሲያደርጉ ቆይተዋል። በኢትዮጵያ ብሔራዊ ቡድን በኩል አቤል ያለው እና አቡበከር ናስር ባጋጠማቸው ጉዳት ከብሔራዊ ቡድኑ ስብስብ ውጪ እንደሆኑ ሶከር ኢትዮጵያ ዘግቧል። ሌሎች ተጫዋቾች ግን ለዛሬው ጨዋታ ዝግጁ መሆናቸው ተረጋግጧል። የጅቡቲው አሰልጣኝ ዡልያን ሜት ‹‹በመጀመሪያው ጨዋታ ከጉዳት ጋር በተያያዘ ካልተጠቀምንባቸው ተጫዋቾች ውጪ አዲስ ጉዳትም ሆነ ቅጣት የለብንም፤ ዓላማችን ለአፍሪካ ዋንጫ መግባት ነው›› ብለዋል። ሰሞኑን ድሬዳዋ ውስጥ እየዘነበ በመሆኑ ባልለመዱት የዓየር ፀባይ ውስጥ ቢገኙም በየትኛውም ሁኔታ ውስጥ የሚፈልጉትን ውጤት ይዘው ለመውጣት እንደተዘጋጁ ነው የተናገሩት። በጨዋታውም 2-1 በማሸነፍ ወደ ቀጣዩ የመጨረሻ ማጣሪያ ለማለፍ መዘጋጀታቸውን ተናግረዋል። ጨዋታው ዛሬ 10:00 በድሬዳዋ ስታዲየም እንደሚካሄድ ይጠበቃል።

ፎቶ፡- ከኢትዮጵያ እግር ኳስ ፌዴሬሽን ገጽ

Image
The website encountered an unexpected error. Please try again later.