<> Skip to main content
ሁለት ዞኖችና አንድ ከተማ አስተዳደር ግብራቸውን ሙሉ በሙሉ ከፍለዋል፡፡

ሰሜን እና ደቡብ ጎንደር ዞኖች፣ ጎንደር ከተማ አስተዳደር ግብራቸውን ሙሉ በሙሉ ከፍለዋል፡፡

ባሕር ዳር፡ ሐምሌ 30/2011 ዓ.ም (አብመድ) ከ ደረጃ ‹‹ሐ›› ግብር ከፋዮች 508 ሚሊዮን ብር የሚጠጋ ገቢ መሰብሰቡን የአማራ ክልል ገቢዎች ቢሮ ገለጸ፡፡

Image may contain: sky and outdoor

የአማራ ክልል የደረጃ ‹‹ሐ›› ግብር ከፋዮች የግብር መክፈያ ጊዜ ዛሬ ይጠናቀቃል፡፡ በክልሉ 278 ሺህ 487 ደረጃ ‹‹ሐ›› ግብር ከፋዮች እንደሚገኙ ቢሮው አስታውቋል፡፡ የአማራ ክልል ገቢዎች ቢሮ ለአብመድ እንደገለፀው ከሐምሌ 1 አስከ ሐምሌ 26/2011ዓ.ም ድረስ 240 ሺህ 766 ግብር ከፋዮች ወይም 86 ነጥብ 4 በመቶዎቹ የሚጠበቅባቸውን ከፍለዋል፡፡

ከግብር ከፋዮቹ 839 ሚሊዮን 243 ሺህ 103 ብር ነው ለመሰብሰብ የታቀደው፡፡
እስካሁን የተሰበሰበው ገንበዘብም 507 ሚሊዮን 720ሺህ 723 መሆኑን ቢሮው ገልጿል፡፡ በገቢዎች ቢሮ የግብር አወሳሰን፣ አሰባሰብ እና ክትትል ዋና የሥራ ሂደት ዳይሬክተር አቶ ይታይ ፈንቴ እንደተናገሩት ካለፈው ተመሳሳይ ወቅት ጋር ሲነፃፀር ከ57 ሺህ በላይ ግብር ከፋዮች ወደ ንግድ መረቡ እንዲገቡ ተደርጓል፡፡ በዚህም ከ110 ሚሊዮን ብር በላይ ጭማሪ ያለው ገቢ እንደተሰበሰበ ነው የገለጹት፡፡

ለደረጃ ‹‹ሐ›› ግብር ከፋዮች በወጣው መርሀ ግብር መሠረት መረጃው እስተጠናቀረበት ጊዜ ድረስ ሰሜን ጎንደር እና ደቡብ ጎንደር ዞኖች ሙሉ በሙሉ በመክፈል የተጣለባቸውን ኃላፊነት በወቅቱ የተወጡ ዞኖች ናቸው፡፡ ከከተማ አስተዳደሮች ደግሞ ጎንደር ከተማ አስተዳደር የሚጠበቅበትን አጠቃልሎ ከፍሏል ብለዋል አቶ ይታይ፡፡
አዊ ብሄረሰብ እና ኦሮሞ ብሄረሰብ አስተዳደሮች፣ ሰሜን ወሎ እና ደቡብ ወሎ ዞኖች ዝቅተኛ አፈፃፀም እንዳላቸውም ቢሮው አስታውቋል፡፡

የደረጃ ‹‹ሐ›› ግብር ከፋዮች የግብር መክፈያ ጊዜ ዛሬ ሐምሌ 30/2011 ዓ.ም ይጠናቀቃል፡፡ ዛሬ የመጨረሻው ቀን መሆኑን ተረድተው ግብር ከፋዮቹ ግዴታቸውን እንዲወጡ ቢሮው አሳስቧል፡፡

ዘጋቢ ፡- ሀይሉ ማሞ

Image
The website encountered an unexpected error. Please try again later.