<> Skip to main content
ማንኪያ በመዋጥ ለአንድ ዓመት ያህል በጉሮሮው ውስጥ ያስቀመጠው ግለሰብ ጉዳይ

No automatic alt text available.

ባሕር ዳር፡ጥቅምት 17/2011 ዓ.ም(አብመድ) ከአመታት በፊት ነበር አንድ ቻይናዊ ከ20 ሴንቲ ሜትር በላይ የሚረዝም የብረት ማንኪያ የዋጠው ፡፡ ይህ ማንኪያ ታዲያ በአጋጣሚ ከጉሮሮው ላይ ይጣበቃል ፡፡ይሁን እንጅ ከጉሮሮው ላይ የተጣበቀው መንኪያ ሰውየውን ከመብላት እና ከመጠጣት አላገደውም፡፡

ግለሰቡ በጊዜው የተጣበቀውን ማንኪያ እንዲወገድ የህክምና እርዳታም አልጠየቀም ፡፡ ነገር ግን ግለሰቡ ከጥቂት ቀናት በፊት ከደረቱ አካባቢ በቡጢ በመመታቱ ምክንያት ህመም ስለተሰማው እርዳታ መጠየቁ ነው የተገለጸው፡፡ በቻይና ዥን ጅያንግ ራስ ገዝ ግዛት የሚኖር አንድ ስሙን መግለፅ ያልፈለገ ግለሰብ ለዶክተሮች እንደተናገረው የብረት ማንኪያውን የዋጠው በስካር መንፈስ በተደረገ ፉክክር ነው፡፡ ግለሰቡ ማንኪያውን እንደዋጠው ለጓደኞቹ ተናግሮ ለማውጣት ሙከራ አድርገው እንደነበርም ተገልጧል፡፡

ግለሰብ በፍጥነት ወደ ሆስፒታል ከመሄድ ይልቅ የዋጠው ማንኪያ ከመብላት እና ከመጠጣት እስኪ ከለክለው ድረስ መቆየትን መርጧል ፡፡ በመሆኑም ማንኪያው ከጉሮሮው እንደተጣበቀ ለአመታት ቆይቷል ፡፡ግለሰቡ በቡጡ ደረቱ ላይ ባይመታ ኑሮ ማንኪያው ከጉሮሮው ላይ በመጣበቅ ለከፋ የመተንፈሻ አካል በሽታ ሊጋለጥ እንደሚችል ተገልጧል፡፡

በመጨረሻም ግለሰቡ ወደ ዥን ጅያንግ- መኩዋንግ አጠቃላይ ሆስፒታል በመሄድ ለዶክተሮቹ የዋጠው ማንኪያ ለአንድ አመት ያህል ከጉሮሮው ላይ ተጣብቆ እንደሚገኝ ተናግሯል ፡፡

ዶክተር ዩ ዥው ሁኔታውን ሲገልጹት ‹‹ ደንግጨ ነበር ፤ እንደዚህ አይነት ነገርም ገጥሞኝ አያውቅም ፤ ታካሚውን ክትትል ሳደርግ ጉሮሮው አካባቢ ጉዳት ደርሶበት ነበር ያገኘሁት ›› ብለዋል፡፡ ማንኪያውን ለማውጣት ለሁለት ሰዓታት ህክምና አድርገውለታል፡፡ ከሆስፒታሉም በአጭር ጊዜ እንደሚወጣ ነው ሀኪሞቹ የገለጹት፡፡

ምንጭ፡- ኦዲቲ ሴንተራል 
በዳግማዊ ተሰራ

Image