Skip to main content
አብን የፖለቲካ አድማሱ በክልል ብቻ የታጠረ አለመሆኑን አስታወቀ።

No photo description available.

ባሕር ዳር፡ ጥር 30/2011 ዓ.ም (አብመድ) በሀገር አቀፍ ደረጃ የምዝገባ ምስክር ወረቀት አግኝቷል።

የአማራ ብሔራዊ ንቅናቄ (አብን) ጥር 28/2011 ዓ.ም ከብሔራዊ ምርጫ ቦርድ የምዝገባ የምስክር ወረቀት ተሰጥቶታል።

የተመዘገበውም ሀገራዊ ሆኖ ነው። የንቅናቄው የሕዝብ ግንኙነት ኃላፊ አቶ ክርስቲያን ታደለ ለአማራ ብዙኃን መገናኛ ድርጅት እንደተናገሩት የአብን የፖለቲካ አድማስ በክልል ብቻ የታጠረ ባለመሆኑ ነው በሀገር አቀፍ ደረጃ የተመዘገበው።

ይህም ከሌሎች ሕዝቦች ጋር ተቀራርቦ ለመሥራት ያስችላል ነው ያሉት አቶ ክርስቲያን። በኢትዮጵያ በተለያዩ አካባቢዎች የሚኖሩ አማራዎችን ለመድረስ እንዲቻል ማድረግም ሌላውም ምክንያት ሆኖ ቀርቧል።

አብን ከሌሎች ሕዝቦች ጋር በመተባበር ለሀገር አስተዋፅኦ በማድረግ ለአማራ ሕዝብ ከሀገር የሚገባውን ጥቅም ለማስጠበቅ እንደሚሰራም አብራርተዋል።

ከፓርቲ ይልቅ ንቅናቄ ሆኖ የተመዘገበውም ከፖለቲካ ባለፈ በኢኮኖሚ ተጠቃሚነት፣ በባህልና በሌሎችም የአማራን ሕዝብ ክብር ለማስመለስ በሚያስችሉ ተግባራት ላይ የሚያተኩር በመሆኑ ነው ብሎዋል አቶ ክርስቲያን።

ንቅናቄው ሰኔ 3/2010 ዓ.ም ነው የተመሠረተው።

ዘጋቢ፦ አስማማው በቀለ

Image