<> የአማራን ሕዝብ በኢኮኖሚ ማገዝን ዓላማ ያደረገ ዓለም አቀፍ የልማት ፈንድ  ተመሠረተ፡፡ | AMMA Skip to main content
የአማራን ሕዝብ በኢኮኖሚ ማገዝን ዓላማ ያደረገ ዓለም አቀፍ የልማት ፈንድ  ተመ

የአማራን ሕዝብ በኢኮኖሚ ማገዝን ዓላማ ያደረገ ዓለም አቀፍ የልማት ፈንድ 
ተመሠረተ፡፡

ባሕር ዳር፡ የካቲት 28/2011 ዓ.ም (አብመድ) የአማራ ዓለም ዓቀፍ የልማት ፈንድ ሰሜን አሜሪካ ላይ ተመስርቷል፡፡

ዓላማውን በአማራ ሕዝብ ላይ የተጋረጡትን ዘርፈ ብዙ ችግሮች ለመቅረፍ ማድረጉን የባለአደራ ቦርዱ ሰብሳቢ ዶክተር ሶስና ንጉሴ ለአማራ ብዙኃን መገናኛ ድርጅት በላኩት መግለጫ አስታውቀዋል፡፡ በኢኮኖሚው ዘርፍ ትኩረት አድርጎ መስራት ዋነኛ ዓላማው መሆኑንም ዶክተር ሶስና ተናግረዋል፡፡

የልማት ፈንዱ የአጭር እና የረጅም ጊዜ እቅዶችን በመንደፍ መቋቋሙንም ነው ያስታወቁት፡፡ የመጠጥ ውሃ፣ የጤና፣ የመማሪያ ክፍሎች እና መጠለያ ችግሮችን ለማቃለል መታሰቡም በመግለጫቸው ተመላክቷል፡፡

ጥናቶችን በመስራት እና ፕሮጀክቶችን በመንደፍ ውጤታማ ለማድረግ መታቀዱንም ዶክተር ሶስና አስታውቀዋል፡፡ በተለያዩ የዓለም ክፍሎች የሚገኙ የአማራ ተወላጆችን እና ወዳጆችን በማስተባበር የአማራን ህዝብ ችግሮች ለመቅረፍ እንደሚንቀሳቀስም ታውቋል፡፡

Image may contain: 1 person

ስራውን ውጤታማ ለማድረግ የአማራ ምሁራንን እና ባለሃብቶችንም ለማሳተፍ አቅዷል፡፡ የአማራ ዓለም አቀፍ የልማት ፈንድ ወደፊት የተለያዩ መዋቅሮችን እንደሚያደራጅና አሁን በሀገር ውስጥ እና በውጭ ሀገር የሚኖሩ ሰባት አባላት ባሉት የቦርድ አመራሮች መመስረቱ ታውቋል፡፡

እንደ ዶክተር ሶስና ገለጻ ለተፈናቀሉ ወገኖች የመጠለያ፣ የንጹህ መጠጥ ውኃ፣ የምግብ እና የጤና አገልግሎት በአስቸኳይ ማቅረብ በአጭር ጊዜ ዕቅድ ተይዟል፡፡ በዘላቂነት የሚቋቋሙበትን መንገድ ማመቻቸትም የዕቅዱ አካል ነው፡፡

የአማራ ዓለም አቀፍ የልማት ፈንድ በሰሜን አሜሪካ ኦሪገን ግዛት ለትርፍ ባልተቋቋመ የበጐ አድራጐት ድርጅት እንደተመሰረተ በመግለጫው ተመላክቷል፡፡

Image