<> Skip to main content
ዝምባብዌ አዲስ የመገበያያ የገንዘብ ኖት ልታሳትም ነው፡፡

 

የዝምባብዌው ፕሬዝዳንት ኢመርሰን ምናንጋጋዋ ሀገራቸው አዲስ የመገበያያ ገንዘብ ልታሳትም መሆኑን ተናገሩ፡፡

Image may contain: one or more people

ባለፉት አስርት ዓመታት በዋጋ ግሽበት ክፉኛ የተመታችው ዝምባብዌ ከቀውሱ ለመውጣት አዲስ መገበያያ ገንዘብ ለማሳተም በሂደት ላይ መሆኗን ነው ፕሬዝዳንቱ የተናሩት፡፡

‹‹እንደ ሀገር ለማደግ የራሳችን የሆነ የመገበያያ ገንዘብ ሊኖረን ይገባል፤ ለዚህም ጉዞ ጀምረናል›› ብለዋል ፕሬዝዳንት ምናንጋጋዋ፡፡

ዝምባብዌ በከፍተኛ የዋጋ ግሽበት መመታቷን ተከትሎ የአሜሪካ ዶላር እና የደቡብ አፍሪካ ራንድን ለመገበያያነት ስትጠቀም ቆይታለች፤ ይህ ደግሞ በራሷ የገንዘብ ፖሊሲ ለመምራት እንደከበዳት አመላካች እንደሆነ ታውቋል፡፡ በቅርቡ ደግሞ የራሷ የሆኑ ሁለት ዓይነት መገበያያዎችን ጎን ለጎን መጠቀም ጀምራ ዋጋቸው በእጅጉ ተዳክሞባታል፤ በየቀኑም ምንዛሬያቸው እየቀነሰ መጥቷል፡፡

በዚህም በማገገም ላይ የነበረው የሀገሪቱ ምጣኔ ሀብት እንደገና ማሽቆልቆል ጀምሯል፤ ከዚህ ቀውስ ለመውጣትም አዲስ የመገበያያ ገንዘብ ሥራ ላይ ለማዋል እንቅስቃሴ መጀመሩን ፕሬዝዳንቱ ተናግረዋል፤ ነገር ግን የዝምባብዌ አዲሱ የገንዘብ ኖት መቼ ወደ ገበያ እንደሚገባ ከመግለጽ ተቆጥበዋል፡፡

ምንጭ፡- ሲ ጂ ቲ ኤን

በአብርሃም በዕውቀት

Image